ஜோதிட பலன்

அறிமுகவுரை

இறைவனுள் அன்புடையீர்,

நலமே விளைக.

கார்த்திகா ஜோதிடப் பயிற்சி நிலையத்தின் ஸ்தாபகராகிய நமது குருஜி அவர்கள் ரிஷிகளும், முனிவர்களும் அருளியதை பின்பற்றி பல்லாண்டு கால ஜோதிட ஆராய்ச்சியை மேற்கொண்டதன் பலனாக பல ஜோதிட சூத்திரங்களை உருவாக்கியுள்ளார்கள். அந்த ஜோதிட சூத்திரங்களின் அடிப்படையில் நமது வாழ்க்கைக்கு வழிகாட்டியாக அமைந்துள்ள ஜோதிட பலன்களை சுருக்கமாகவும், தெளிவாகவும் இந்தத் தளத்தில் நமது குருஜி அவர்கள் அருளியுள்ளார்கள். ஜோதிட பலன்கள் குறித்து ஏராளமான சொற்பொழிவுகளையும், பயிற்சி வகுப்புகளையும் நடத்தியுள்ள நமது குருஜி அவர்கள், சூரிய சித்தாந்த ஜோதிட கொள்கையின்படி கூறும் ஜோதிட பலன்கள் அற்புதமான முறையில் மிகத் துல்லியமாக இருக்கும்.
இந்தத் தளத்தில் தெரிவிக்கப்படும் ஜோதிட பலன்கள், தனிப்பட்ட ஒருவரின் ஜாதகத்தை அடிப்படையாகக் கொண்டதல்ல என்பதைத் தெரிவித்துக் கொள்கிறோம். இந்த ஜோதிட பலன்கள் தற்பொழுதுள்ள கிரஹ நிலைகளை அடிப்படையாகக் கொண்டவை. உலக மக்களிடையே எந்தெந்த ராஸியில் பிறந்தவர்கள் எந்தவிதமான ஜோதிட பலன்களைப் பெறுவார்கள் என்பதை விளக்கும் பொதுவான ராஸி பலன்கள் தான் இவை.

நமது குருஜி அவர்கள் தெரிவிக்கும் ஜோதிட பலன்கள் தெளிவாக இருப்பதால் ஜோதிட ஆலோசனை மற்றும் அறிவுரைகளைப் பெற ஆன்மிக அன்பர்களும், ஜோதிட அபிமானிகளும் ஏராளமாக நேரில் வந்து ஜோதிட பலன்களைத் தெரிந்து கொண்டு ஆசி பெற்றுச் செல்கிறார்கள். ஒவ்வொரு தமிழ் மாதப் பிறப்பின் பொழுதும் நமது குருஜி அவர்களின் அருள் மொழிக்காக நேரில் வந்து ஆசி பெற்று செல்பவர்களின் எண்ணிக்கை நாளுக்கு நாள் அதிகரித்து வருகிறது.

இவ்வாறாக அவர்கள் அறிவிக்கும் இந்த ஜோதிட மாத பலன்கள் ஜோதிட ரீதியாக நமது வாழ்க்கைக்கு வழிகாட்டியாக அமையும் என்பதில் சிறிதும் ஐயமில்லை.

 பராபவ வருடம்

ஆவணி மாத பலன்

(ஆகஸ்ட் 18 முதல் செப்டம்பர் 17 வரை)

மேஷம் :
கலை, இலக்கியம், புத்தக வெளியீடு ஆகிய துறையில் உள்ளவர்கள் புதிய படைப்புகளால் புகழ் பெறுவர். தொழிற்சாலைகளில் பணிபுரிவோர் பாராட்டுதல் பெறுவர். குழந்தைகளின் கல்விக்காக மன நிறைவில்லாத பணச் செலவு ஏற்படும். அரசியல்வாதிகள் அதிக அலைச்சலைக் காண்பர். தவறான பண சம்பாத்தியம் குறித்த தொழிலில் உள்ளவரின் தொடர்பு ஏற்படும். மருத்துவர்கள் திறமையாக பணியாற்றி பாராட்டுதல்கள் பெறுவர். நீண்ட காலமாக தாமதமாகி வந்த உரிமம் பெறும் முயற்சியில் வெற்றி கிடைக்கும். வருமானவரி, வணிகவரி, சுங்கவரி, கலால்வரி போன்ற வரித் துறை நடவடிக்கையால் மனக் கலக்கம் ஏற்படும். ராணுவத்தில் பணி புரிவோர் பதவி உயர்வு பெறுவர். பதவியில் நேர்மையை கடைப்பிடிக்க முடியாத சூழல் ஒன்றால் மனப் பாதிப்பு ஏற்படும். நில உரிமைத் தகராறு ஒன்றில் நல்ல முடிவு கிடைக்கும். ஆன்மிகப் பயணம் மன ஆறுதலை அளிக்கும். பொதுவாக இது ஒரு சுமாரான மாதம்.
எச்சரிக்கை நாட்கள் : தமிழ் தேதி 3, 4, 5, 30, 31.

ரிஷபம் :
கணினி மற்றும் தகவல் தொழில் நுட்பத் துறையில் உள்ளவர்கள் சுறுசுறுப்பாக இயங்கி லாபம் ஈட்டுவர். நிலத் தரகர்கள் எதிர்ப்புகளை சந்திப்பார்கள். இரும்பு, பருத்தி தொழிலில் உள்ளவர்கள் மிகுந்த போட்டியை எதிர் கொள்ள வேண்டி வரும். சிறு பயணம் லாபம் தரும். கால்நடைகள் மூலம் சொற்ப வருமானம் கிடைக்கும். விவசாயத்தில் முன்னேற்றம் காணும். ஜவுளித் தொழிலில் உள்ளவர்கள் வியாபார விருத்திக்காக திட்டமிடுவார்கள். வட்டித் தொழிலில் தேக்கம் காணும். வாகன விபத்து ஒன்று ஏற்படும். குடியிருப்புகளை கட்டுதல் போன்ற முன்னேற்ற எண்ணம் உண்டாகும். புத்தக வெளியீடு, பத்திரிக்கை விற்பனை ஆகியவற்றில் நல்ல லாபம் ஏற்படும். இயற்கை சீற்ற பாதிப்புகளால் சிறு நஷ்டம் உண்டாகும். பொதுவாக இது ஒரு சுமாரான மாதம்.
எச்சரிக்கை நாட்கள் : தமிழ் தேதி 5,6,7,8.

மிதுனம் :
எதிரிகளை வெற்றி காணும் நல்ல சூழ்நிலை இந்த மாத பிற்பகுதியில் ஏற்படும். உடன்பிறப்புகள் உதவுவார்கள். விளையாட்டுத் துறையில் உள்ளவர்கள் ஏமாற்றம் அடைவர். தூரத்து உறவினர் ஒருவர், குடும்பத்தில் குழப்பத்தை ஏற்படுத்துவார். புதிய தொழில் முயற்சியில் நண்பர்கள் ஆதரவளிப்பார்கள். பழைய வியாபார ஒப்பந்தம் ஒன்று புதுப்பிக்கப்படும். உணவகத் தொழிலில் நல்ல லாபம் ஏற்படும். காவல் துறையில் பணிபுரிவோர் விரும்பிய இடத்திற்கு இடம் மாற்றம் பெறுவர். பருத்தி, நூல் போன்ற வியாபாரத்தில் உள்ளோர் நல்ல லாபத்தைப் பெறுவர். வாகனத் தொழில் முதலீட்டில் சற்று தேக்கம் காணும். வங்கிக் கடன் இம்மாதக் கடைசியில் ஊக்கமளிக்கும். ஆசிரியர்களின் மதிப்பு உயரும். பொதுவாக இது ஒரு நல்ல மாதம்.
எச்சரிக்கை நாட்கள் : தமிழ் தேதி 7, 8, 9, 10.

கடகம் :
அரசியல்வாதிகள், ஆசிரியர்கள் ஆகியோர் இம்மாத இறுதியில் கௌரவிக்கப்படுவார்கள். வியாபாரக் கூட்டாளிகளில் பிரிவினை ஏற்படும். கணவன் மனைவி உறவில் மன வேறுபாடு இருக்கும். கட்டடத் தொழிலில் உள்ளவர்கள் நல்ல லாபத்தை ஈட்டுவர். உத்யோகத்தில் இடமாற்றம் ஏற்படும். புதிய வீடு வாங்கும் திட்டம் ஒன்று உருவாகும். கல்வி குறித்த பயணம் ஒன்று ஏற்படும். புதிய மனிதரின் நட்பால் பிரச்சனை ஒன்று தீர்வாகும். முன்னோர் சொத்து விற்பனையாகும். கலைத் துறையில் உள்ளவர்களுக்கு புதிய ஒப்பந்தம் ஏற்பட்டு வருமானமும் பாராட்டுதலும் கிடைக்கும். நீதிமன்ற தீர்ப்புகள் சாதகமாக அமையும். தகவல் தொழில் நுட்பப் பணியில் உள்ளவர்களுக்கு புதிய தொழில் ஒப்பந்தம் ஏற்பட்டு மகிழ்ச்சி உண்டாகும். பொதுவாக இது ஒரு சுமாரான மாதம்.
எச்சரிக்கை நாட்கள் : தமிழ் தேதி 9, 10, 11, 12.

சிம்மம் :
பத்திரிக்கைத் துறையில் உள்ளவர்கள் பாராட்டுதல் பெறுவார்கள். சட்டம் மற்றும் நீதித் துறையில் உள்ளவர்கள் கடினமாக உழைக்க வேண்டி வரும். மாத முற்பகுதியில் உறவினரின் தொல்லையால் மன அமைதி கெடும். கணவன் மனைவி உறவு நிறைவாக இருக்கும். வடக்கு திசையிலிருந்து வரும் ஒரு செய்தி மன அமைதியை பாதிக்கும். இந்த மாதத்தின் பிற்பகுதியில் உறவினர் அல்லாத ஒருவர் எதிர்பாராதவாறு உதவி செய்வார். வீடு கட்டும் முயற்சி மகிழ்ச்சியைத் தரும். பழைய சொத்துக்கள் நல்ல விலைக்கு விற்பனை ஆகும். ஆன்மிகவாதிகள், மடாதிபதிகள் ஆகியோரின் ஆதரவால் சட்டப் பாதுகாப்பு கிடைக்கும். காவல் துறையில் பணிபுரிவோர் இடம் மாற்றப்படுவர். காலில் நோய் ஏற்பட்டு ஓய்வெடுக்க வேண்டி வரும். பொருள் பற்றாக்குறையால் கடன் வாங்க வேண்டி வரும். பொதுவாக இது ஒரு சுமாரான மாதம்.
எச்சரிக்கை நாட்கள் : தமிழ் தேதி 12, 13, 14, 15.

கன்னி :
காணாமல் போன பொருள் ஒன்று கிடைத்துவிடும். குடும்பத்தில் அவசர மருத்துவச் செலவு ஒன்று ஏற்படும். விவசாயப் பொருட்கள் போட்டியுடன் விற்பனையாகி நஷ்டத்தைக் கொடுக்கும். திரைப்படத் துறையில் உள்ளவர்களுக்கு புதிய ஒப்பந்தம் ஒன்று ஏற்பாடாகும். உத்யோகத்தில் பதவி உயர்வு செய்தி மகிழ்ச்சியைக் கொடுக்கும். சுற்றுப் பயணத்தின் பொழுது புதிய மனிதர் ஒருவரின் தொடர்பால் மகிழ்ச்சியும், லாபமும் ஏற்படும். மூத்த சகோதரத்தால் மனம் சஞ்சலமாகும். மாதத்தின் முற்பகுதியில் பங்குச் சந்தையில் லாபம் கிடைக்கும். கொடுக்கல் வாங்கலில் சிக்கல் ஏற்படும். நிலம் வாங்குதல், வீடு கட்டுதல் போன்ற முயற்சிகள் மன மகிழ்ச்சியை அளிக்கும். மாத இறுதியில் உடல் நலம் குறைந்து, மருத்துவச் செலவு ஏற்படும். அரசியல்வாதிகள் குழப்பத்தை எதிர்கொள்வர். பொதுவாக இது ஏற்ற இறக்கங்கள் உள்ள மாதம்.
எச்சரிக்கை நாட்கள் : தமிழ் தேதி 14, 15, 16, 17.

துலாம் :
நகை வியாபாரம், ஆயத்த ஆடைகள் வியாபாரம் சிறப்பாக இருக்கும். வியாபாரக் கூட்டாளிகள் மிகுந்த ஒற்றுமை காட்டுவர். கணவன் மனைவி உறவில் சிறு மன வேற்றுமை காணும். அஜீரணக் கோளாறு, தூக்கமின்மை போன்றவற்றால் உடல் தொந்தரவு ஏற்படும். கல்வியில் நல்ல முன்னேற்றம் காணும். குடியிருப்பு மாறும். நிலம், வீடு வாங்குதல் மூலம் நல்ல மரியாதை கிடைக்கும். அரசாங்க அதிகாரிகளுக்கு மன அமைதியற்ற சூழ்நிலையே தொடரும். ஆன்மிகத்தில் அதிக நாட்டம் ஏற்பட்டு திருத்தல பயணம் அடிக்கடி ஏற்படும். நகைகளை விற்று கடனை அடைக்கும் சூழ்நிலை உருவாகும். இயற்கை இடையூறால் பொருள் இழப்பு ஏற்படும். இரும்பு, சிமெண்ட் போன்ற வியாபாரத்தில் உள்ளவர்கள் பலத்த போட்டிகளை சந்திப்பார்கள். இறைப் பணியில் ஆர்வம் ஏற்படும். பொதுவாக இது ஒரு சுமாரான மாதம்.
எச்சரிக்கை நாட்கள் : தமிழ் தேதி 16, 17, 18, 19.

விருச்சிகம் :
பங்குச் சந்தையில் நல்ல லாபம் கிடைக்கும். தெய்வ வழிபாட்டிற்கான பயணம் ஒன்று ஏற்பாடாகும். நீதிமன்ற வழக்குகளில் திருப்தியற்ற நிலையே தொடரும். அரசாங்க அதிகாரிகளுக்கு சோதனையான மாதம் இது. புதிய நகைகள் வாங்குதல், வீட்டை பழுது பார்த்தல் போன்ற சுப செலவுகள் ஏற்படும். குழந்தைகளின் நலம் குறித்து அதிக சிரத்தை எடுக்க வேண்டி வரும். பெற்றோர்களின் அறிவுரைகள் ஏற்றுக் கொள்ள முடியாத வகையில் அமையும். கிழக்கு திசையிலிருந்து வரும் புதிய வியாபார ஒப்பந்தம் ஊக்கமளிக்கும் வகையில் இருக்கும். பத்திரிக்கை மற்றும் செய்தித் துறையில் இருப்பவர்கள் மிகுந்த எதிர்ப்புகளை சந்திப்பார்கள். காவல், ராணுவம் போன்ற துறையில் உள்ளவர்களுக்கு பதவி உயர்வு மற்றும் விருதுகள் கிடைக்கும். திட்டமிட்ட பயணம் தடங்கலாகும். வாகனங்களால் சிறு விபத்து ஏற்படும். பொதுவாக இது ஒரு சுமாரான மாதம்.
எச்சரிக்கை நாட்கள் : தமிழ் தேதி 18, 19, 20, 21.

தனுசு :
அரசியல்வாதிகள் நல்ல பதவிகள் பெறுவதன் மூலம் மகிழ்ச்சியடைவர். பெற்றோரின் ஆதரவு மகிழ்ச்சியைக் கொடுக்கும். பணப் புழக்கம் சரளமாக இருக்கும். இம்மாத தொடக்கத்தில் தேக்கமடைந்த காரியம் ஒன்றில் வெற்றி கிடைக்கும். சட்டம் மற்றும் நீதித் துறையில் பணியாற்றுவோர் மனநிறைவைப் பெறுவர். வாகன சேர்க்கை ஏற்படும். குழந்தைகளின் கல்வியில் நல்ல முன்னேற்றம் ஏற்படும். புதிய பதவிகளுக்காக பொருட் செலவு செய்ய வேண்டி வரும். வணிக பயணம் வெற்றிகரமாக நிறைவேறும். பூமியின் மீது முதலீடு செய்வது லாபத்தைக் கொடுக்கும். பெண்களுக்கு மதிப்பு உயரும். பழ வகைகள் மீதான வியாபாரம் நல்ல லாபத்தைக் கொடுக்கும். பொதுவாக இது ஒரு நல்ல மாதம்.
எச்சரிக்கை நாட்கள் : தமிழ் தேதி 14, 15, 16, 17.

மகரம் :
காணாமல் போன பொருள் ஒன்று கிடைத்து விடும். கல்வியாளர்கள் போற்றப்படுவார்கள். அரசியல்வாதிகளுக்கு பதவி கிடைக்கும். உணவுப் பொருட்கள் விற்பனையில் கடுமையான போட்டி ஏற்படும். தெய்வ வழிபாட்டிற்கென அதிக பொருட் செலவு ஏற்படும். ஆடை, ஆபரண சேர்க்கை மகிழ்ச்சியைக் கொடுக்கும். பெற்றோர்கள் ஆதரவு அளிப்பர். உடன்பிறப்புகள் பகைமை பாராட்டுவர். தாயார் உறவிலிருந்து துயரச் செய்தி வரும். குழந்தைகள் கல்வி சிறப்புறும். எலும்பு, நரம்பு சம்பந்தமான உடல் தொந்தரவு ஏற்படும். வெளிநாட்டு உறவினர் தொல்லை கொடுப்பார். பொதுவாக இது ஒரு சுமாரான மாதம்.
எச்சரிக்கை நாட்கள் : 23, 24, 25.

கும்பம் :
கொடுக்கல் வாங்கலில் நல்ல முன்னேற்றம் காணும். வாணிபத்தில் இருப்போர் இம்மாத பிற்பகுதியில் புதிய தொழில் ஒன்றை தொடங்கும் முயற்சியில் ஈடுபடுவார்கள். குழந்தைகள் மீது அதிக அக்கறை கொள்ள வேண்டிய கட்டாயம் உருவாகும். அரசாங்க அதிகாரிகள் பாராட்டுதல் பெறுவர். தனியார் துறையில் பணியாற்றுவோருக்கு ஊதிய உயர்வு செய்தி மகிழ்ச்சியைக் கொடுக்கும். தூர தேச பயணம் திடீரென தடைபடும். வீடு கட்டுதலில் பின்னடைவை சந்திக்க நேரிடும். கணவன் மனைவி உறவு அன்பு கலந்ததாக இருக்கும். சிறுநீரக நோய் தொல்லை கொடுக்கும். அண்டை வீட்டாரின் பகையும், பொருள் செலவும் உண்டாகும். அரசியலில் பின்னடைவு ஏற்படும். தாயார் வழி சொத்து ஒன்று நல்ல விலைக்கு விற்பனையாகும். பொதுவாக ஏற்ற இறக்கங்களைக் காணும் மாதம் இது.
எச்சரிக்கை நாட்கள் : தமிழ் தேதி 25, 26, 27, 28.

மீனம் :
பொதுத் துறையில் உள்ளவர்களுக்கு அரசியல்வாதி ஒருவரின் ஆதரவு கிடைக்கும். வயிறு, நரம்பு சம்பந்தப்பட்ட உடல் நோய்க்கு சிகிச்சை மேற்கொள்ள வேண்டியிருக்கும். பண சேமிப்பு மகிழ்ச்சியான சூழ்நிலையை உருவாக்கும். உடன்பிறப்புக்கள் ஆதரவாக இருப்பார்கள். கணவன் மனைவி உறவு சிறப்பாக இருக்கும். கொடுத்த கடன் இம்மாத இறுதியில் திரும்பக் கிடைக்கும். திரைப்படம், இசை போன்ற கலைத் துறையில் உள்ளவர்களுக்கு புதிய ஒப்பந்தம் கிடைக்கும். நிலம் சம்பந்தமான பிரச்சனை ஒன்றில் வெற்றி உண்டாகும். அரசாங்க அதிகாரிகளுக்கு இடம் மாற்றம் சம்பந்தமான செய்தி கவலை அளிக்கும். புதிய வாகனங்கள் வாங்கும் நல்ல நிகழ்வு நடக்கும். அரசியல்வாதிகளுக்கு மனக் குழப்பம் தொடர்ந்து நிகழும். உறவினர் ஒருவரின் இழப்பு கவலை அளிக்கும். பொதுவாக இது ஒரு நல்ல மாதம்.
எச்சரிக்கை நாட்கள் : தமிழ் தேதி 1, 2, 27, 28, 29, 30.

 

–குருஜி.