இப்படிப்பட்ட ஜோதிடக்கலை ஆண்டவனால் மானிடருக்கு அருளப்பட்ட ஒரு மாயக்கண்ணாடி ஆகும். ஆஸ்திக மக்களால் போற்றப்படும் இக்கலையை நாஸ்திகரும் ஏற்றுக்கொள்ளும் காலம் வந்துவிட்டது. ஒருவருக்கு ஜோதிடம் தெரியும் என்று அறிந்த மாத்திரத்திலேயே அவரைச் சுற்றி மக்கள் திரள்வதை கண்கூடாகக் காண்கிறோம். எல்லோருக்கும் தமது எதிர்காலத்தை அறிந்து கொள்ளும் ஆசை உண்டு என்பதை இது உணர்த்துகிறது அல்லவா? நல்லாதாயின் மகிழ்ச்சியும், கெட்டதாயின் எச்சரிக்கையுடன் செயல்படவும் ஜோதிடம் ஒரு ஜோதியாகத் திகழ்கிறது. இந்த ஜோதி ஒவ்வொரு குடும்பத்திலும் ஏற்றப்பட வேண்டியதொன்று. ஜோதிடக் கலையின் இரகஸியங்கள் பல மறைந்து கொண்டு வருகின்றன. பல நூல் ஆராய்ச்சியும், பழைய ஏடுகளை புதுப்பித்து ஆய்வதும் தற்பொழுது தேவையாக உள்ளது. மேலை நாட்டினரின் சாயன முறைப்படியும் கிரஹங்களின் நிலையைக் கொண்டு நடக்க இருக்கும் நிகழ்ச்சிகளை முன்உணர்ந்து கூறிவிடலாம். நவகிரஹங்கள் இப்பூவுலக ஜனனங்கள் மீது எவ்வாறு ஆட்சி செலுத்துகின்றன என்பதைக் கூறும் இக்கலை மிகவும் உயர்ந்ததாகக் கருதப்படுகிறது. இறைவனை நேரடியாகக் காண இயலாவிட்டாலும் இறைவனால் நியமிக்கப்பட்ட கிரஹங்களும், பஞ்ச பூதங்களும் இறைவனை உணர்த்தி நமது வாழ்வில் ஏற்றத்தாழ்வுகளை ஏற்படுத்தி விடுகின்றன. தற்பொழுது ஒவ்வொரு இயல்களுக்கும் தனித்தனி படிப்பு, பட்டம், ஆராய்ச்சி என இருப்பது போல், ஜோதிடக் கலையையும் முறையான படிப்பு, பட்டம், ஆராய்ச்சி என்ற முறைகளுக்கு உட்படுத்த வேண்டும். இதன்படி அறியப்படும் கல்வி மிகவும் தீர்க்கமானது. தெளிவானது. அந்த ஒரு நிலையை உருவாக்கத்தான் நமது கார்த்திகா ஜோதிடப் பயிற்சி நிலையம் நிறுவப்பட்டுள்ளது.
-நிர்வாகி